आभाळाची आम्ही लेकरं ...

आभाळाची आम्ही लेकरं, काळी माती आई

जात वेगळी नाही आम्हा, धर्म वेगळा नाही !!धृ !!

श्रमगंगेच्या तीरावरती, कष्टकर्यांची आमुची वस्ती

नाव वेगळं नाही आम्हा, गाव वेगळा नाही !! १ !!

इनाम आम्हा एकच ठावे, घाम गाळुनी काम करावे

मार्ग वेगळा नाही आम्हा, स्वर्ग वेगळा नाही !! २ !!

माणुसकीचे अभंग नाते, घाम गाळुनी काम करावे

पंथ वेगळा नाही आम्हा संथ वेगळा नाही !! ३ !!

कोटी कोटी हे बळकट बाहू, समतेचा रथ ओढून नेऊ

आस वेगळी नाही आम्हा, ध्यास वेगळा नाही !! ४ !!

- वसंत बापट