युगायुगाची गुलामी चाल...


युगायुगाची गुलामी चाल, सांभाळीते चुल नी मुल
दास्याचा तुरुंग फोडीत स्त्री दास्याचा तुरुंग फोडीते।।

कायानु बायानु कोण्या मनुनं, बंधन घातलं पोथी लिहून
बायांची अक्कल म्हणे गहाण, पुरुषी धाकात सदा रहाणं
स्मृतीची होळी मी करीते, मनुस्मृतीची होळी मी करीते।।

बालपणामदी बापाचं नाव, लगीन झाल्यावर पती हा देव
म्हातारपणामदी पोरांना भ्यावं, असा जीवनी सेवा भाव
बदलाया बंड मी, स्त्री दास्याचा तुरुंग फोडीते।।

कामाला जाताना कमी मजुरी, उशीर झाला तर धनी मुजोरी
गरिबांची आपली ही सदा शिदोरी, जातीपातीची खोल खोल दरी
गुलामी बेड्या मी तोडीते, स्त्री दास्याचा तुरुंख फोडीते।।

Comments

Post a Comment

Popular posts from this blog

समतेच्या वाटेनं

समतेच्या वाटेनं, तू खणकावत पैंजण यावंतू यावं, तू यावं, तू यावंबंधन तोडीत यावं... ||धृ|| शेतात रानात, जिथं घामानं भिजली धरती हिरव्या पिकांवरती, जिथं राघू हो डोलती ऐसी या कष्टाची महती, गान कोकिळा बोलती, त्या सरीसरीतून, घाम-अत्तर लेवून यावं तू यावं, तू यावं... वाडे जातीपातीचे ज्यात माणसं कोंडली ऐसे जबरी विष, पिढी पिढी हो पोळली, हाडामासाची माणसं, कशी ना दिसली, माणसं माणसाला कशी परकी हो झाली, वाडे जाती-पातीचे, तू तोडत फोडत यावं, तू यावं, तू यावं... अन्यायाविरुद्ध जिथं मुठी हो वळल्या इवल्याशा या चिमण्या, जिथं घारीशी हो भिडल्या, त्या युद्धभूमीतून, रक्तचंदन लेवून यावं,                तू यावं, तू यावंबंधन तोडीत यावं...              - शंतनू कांबळे
Read more

तिच्या बोलण्याचं ऐस..

तिच्या बोलण्याचं ऐस... तिच्या बोलण्याचं ऐस, काय सांगाव तंतर, मन मोहूनिया जाई, काय घालती मंतर ||1|| तिच बोलणं मधाळ, जशी श्रावणी बरसात, मोर नाचावा बनात, तस हासणं गालात ||2|| तिच्या मोकळ्...
Read more